السلام عليكم ورحمة الله وبركاته

الإخوة الكرام بإذن الله تعالى سوف تقام دورة PHP جديدة بالقاهرة

1- عدد ساعات الدورة 45 ساعة

2- عدد محاضرات الدورة 15 محاضرة

بالإضافة أثناء الدورة إن شاء الله تعالى هيتم التركيز على النقاط الي كان فيها بعض الصعوبة أو التشتت لدى المتدربين أثناء الدورات السابقة أو الإستفسارات الخاصة بهم بعد إنتهائهم من الدورة واحتكاكهم بسوق العمل

روابط تهمك:-

رابط المجموعة الخاصة بالدورات  على الفيس بوك من هنا

رابط المنتدى الخاص بالمتدربين من هنا

نموذج التسجيل في الدورة من هنا

وتم إنشاء المجموعة والمنتدى لكي يتم التواصل الدائم بين المتدربين وبعضهم البعض ومشاركة الأفكار والمشاريع وكذلك يحتوى المنتدى على قسم خاص اعلانات التوظيف التي تصلني من خلال المجموعات الأخرى أو الإيميل والتي تتعلق بال PHP

– أسئلة تتعلق بالدورة :-

1- ليس لدي أي خلفية برمجية على الإطلاق هل يمكنني الإلتحاق بهذه الدورة ؟

نعم يمكنك حيث أن هذه الدورة لا تتطلب أي خلفية برمجية

2- لدي خلفية عن لغة ال CSS و HTML هل هذا يكفي ؟

نعم يكفى حيث أن الدورة مُرَكزه على لغة ال PHP وسوف يتم إعطاء مقدمة بسيطة عن لغة ال CSS و HTML .

3- أنا بالفعل مبرمج PHP وأعلم جميع الأساسيات ولكني أريد أن أحترف هذه اللغة هل هذه الدورة ستفيدوني ؟

للأسف هذه الدورة ليست مخصصة إليك فهي موجهة للمبتدئين والمستوى المتوسط

4- ماذا سأتعلمه بمشيئة الله بعد إنتهائي من هذه الدورة ؟

بمشيئة الله تعالى سوف تكون تعرفت على جميع الأساسيات التي تحتاجها كي تبدأ البرمجة وتطوير المواقع من خلال لغة ال PHP وسوف تكون قد إنتهيت من مجموعة مشاريع خلال هذه الدورة والتي تتمثل في ( سجل زوار – معرض منتجات – إنشاء نظام إدارة محتوى CMS – برمجة موقع لمعهد تدريب) وسوف تتمكن بمشيئة الله تعالى من برمجة المواقع بإستخدام لغة ال PHP من البداية إلى النهاية

– المنهج الذي سوف يتم تدريسة بمشيئة الله تعالى

يمكن الإطلاع على المنهج الخاص بالدورة من خلال هذا الرابط

وفي حالة وجود أي ملاحظات على المنهج اتشرف بإستقبالها منك

– المكان

– مركز  Vetec للتدريب

– عنوان المركز : 6 برج الياسمين الدور الأول علوي بجوار توم أند بصل المقابل لأول عباس العقاد – مدينة نصر

يعني القادم من أي مكان ينزل رمسيس ويركب من أمام مسجد الفتح أي مواصلة رايحة رابعة العدوية أو عباس العقاد وينزل أول عباس ويعدي الجهة المقابلة ناحية توم أند بصل العمارة المجاورة له يوجد بجانب المدخل محل إتصالات البرج إسمه برج الياسمين

والقادم من الزقازيق ممكن يركب مباشرة من موقف الزقازيق  وينزل أمام المركز عند أول عباس العقاد

وكذلك القادم من الإسماعيلية صحراوي بينزل موقف العاشر ويركب أي مواصلة رايحة رابعة العدوية وينزل أول عباس العقاد

الدراسة :-

المجموعات سوف تكون مسائية إن شاء الله تعالى بمعدل ثلاثة أيام في الأسبوع مدة المحاضرة 3 ساعات

مميزات المكان :-

– المركز في مكان متميز أول عباس العقاد

– جهاز كمبيوتر لكل متدرب ووجود إنترنت

– المكان مكيف الهواء

– وجود مشروبات مجانية خاصة بالمتدربين أثناء الفواصل في المحاضرة

سعر الدورة :-

بمشيئة الله تعالى سعر هذه الدورة هو ( 900 جنيه )

كيفية الحجز :-

هناك أكثر من طريقة للحجز

1- إيداع مبلغ(  450 جنيه)من قيمة الدورة في رقم الحساب الخاص بي ويمكن مراسلتي للحصول عليه

2- إحضار المبلغ في أول محاضرة ويجب التأكيد من خلال الإيميل على ذلك والتأكيد على الحضور لكي يتم معرفه العدد الذي سيأتي بمشيئة الله لأنه سوف يتم قبول من قام فقط  بتأكيد الحجز بأحد الطرق السابقة

موعد بدء الدورة :-

بمشيئة الله تعالى الدورة سوف تبدأ عند إكتمال العدد المطلوب 9 أفراد

وسوف يتم مراسلة الجميع من خلال أرقام التليفون أو الإيميل للتأكيد على موعد البدء

وأخيراً أسأل الله عز وجل الإخلاص في القول والعمل وأن يجعلني عند حسن الظن وتأدية الأمانة

والله الموفق

أحمد أبو الدهب

Share

23 تعليقات على [ دورة PHP جديدة بعد عيد اﻷضحى ]

  1. M A X يقول:
    نوفمبر 9th, 2010 في : 12:30 م

    السلام عليكم .. بالتوفيق اخي الفاضل ولكن ماذا بالنسبة لنا نحن المتواجدين خارج مصر ؟

    كيف سنحضر المحاضرات ونستفيد ؟

  2. Abu_Eldahab يقول:
    نوفمبر 9th, 2010 في : 12:41 م

    وعليكم السلام ورحمة الله وبركاته

    في الحقيقة أخي الكريم الحل الوحيد الذي وجدته لهذه المشكلة هو تسجيل محاضرات فيديو

    ولكن ضيق وقتي الشديد يحول دون عمل ذلك اﻵن

    وإن شاء الله عند بدأ تسجيل سلسلة الدورة في محاضرات فيديو سوف يتم مراسلة الجميع

  3. عبدالرحمن طه يقول:
    نوفمبر 10th, 2010 في : 2:54 ص

    ازيك يا استاذي احمد ابو الدهب

    من فضلك اذا تكرمت حضرتك تسجلني معاك لان اللينك الخاص بالتسجيل في الدورة مش شغال

    انا ارسلت لحضرتك ايميل وحضرتك مشكورا رديت عليا بلينك الدورة الجديدة

    حضرتك ده ايميلي وهبعت لحضرتك البيانات بتاعتي علي ايميل حضرتك الشخصي لاني بجد خايف الدورة دي تروح عليا لان بقالي شهور بدور علي حاجه زي كده ومكنتش موفق لغايه ما ربنا كرمني وشوفت موقعكم ومنهجكم الكريم
    ارجو من فضلك ان تسجلني او اصلاح اللينك الخاص بالتسجيل
    وشكرا لحضرتك وربنا يباركلك يارب

  4. Abu_Eldahab يقول:
    نوفمبر 10th, 2010 في : 4:04 ص

    السلام عليكم ورحمة الله وبركاته

    تم إصلاح اللينك أعتذر عن هذا الخطأ الذي حدث بعد تحديث الموقع أمس

  5. عماد يقول:
    نوفمبر 10th, 2010 في : 9:10 ص

    اتمنى ان اكون من المشاركين فى هذه الدورة ولكن ظروفي لا تسمح الا بايام الاحد – الثلاثاء – الخميس .
    هل ستكون هذه هى ايام الدورة ام لا ؟
    ارجوا الرد

  6. Abu_Eldahab يقول:
    نوفمبر 10th, 2010 في : 9:13 ص

    السلام عليكم

    غالباً هتكون هذه هي أيام الدورة بمشيئة الله تعالى

    أحد وثلاثاء وخميس فترة مسائية

  7. محمد ناصر يقول:
    نوفمبر 10th, 2010 في : 7:02 م

    السلام عليكم
    والله اخى انا كان نفسي من زمان اخد الدورة معاك ويمكن حضرتك تفتكرنى لكن حضرتك جيت متأخر بعد مضاق بي الحالى واخدتها في الاسكندرية تصور لما اكون من الشرقية واسافر اسكندرية
    لكنلو في واتمنى انو يكون في دورة ادفانسيد
    هاكون معاك اكيد

  8. S P E E D يقول:
    نوفمبر 10th, 2010 في : 9:03 م

    السلام عليكم
    والله المنهج رائع و مميز , لكن للاسف الوقت غير مناسب نهائي
    فهل الدورات تعقد بشكل منتظم ؟ لان بجانب الدراسة هيكون الشتاء و المحاضرات المسائية هتكون صعبة محدش يضمن الجو و المواصلات
    فياريت لو فيه دورات فى اوقات بدري شوية

  9. عبدالرحمن طه يقول:
    نوفمبر 12th, 2010 في : 9:20 م

    ياريت حضرتك تقول لينا ميعادها ان شاء الله تعالي بعد قد ايه من عيد الاضحي علي اساس ان الواحد يعمل حسابه في المبلغ ويفرغ نفسه من الارتباطات الي ممكن تتوجد في المواعيد الخاصه بالدورة

  10. Abu_Eldahab يقول:
    نوفمبر 13th, 2010 في : 4:23 م

    باذن الله تعالى الكورس هيتم التجهيز ليه في الأسبوع الي بعد العيد والبدء هيكون الأسبوع الذي يليه مباشرة

  11. عبدالرحمن طه يقول:
    نوفمبر 16th, 2010 في : 6:08 ص

    كل سنه وحضرتك طيب يا استاذ احمد وان شاء الله تعالي يكون عيد سعيد علينا وعلي جميع مسلمين العالم

    وباذن الله منتظر مراسلاتك لينا بميعاد الكورس بمشئيه الله تعالي وشكرا لحضرتك وربنا يباركلك

  12. المظفر يقول:
    نوفمبر 18th, 2010 في : 11:09 ص

    خير الحمد لله
    على العموم كويس الدورة هتبدأ مع بداية الشهر تقريبا والكاش هيكون جاهز إن شاء الله
    بس بالنسبة لللمواعيد انا كمان بطلب ياريت يكون لا الصبح وباليل
    يعنى فى فترة بعد الظهر عشان الناس اللى عندها شغل صبح وبالليل
    قياريت تكون من 4-7 أو من 5-8

  13. عبد الحميد يقول:
    نوفمبر 19th, 2010 في : 2:11 م

    استاذ احمد
    انا عبد الحميد كلمتك من فترة
    و تكلمنا سوياً قبل العيد عن دورة php بعد العيد
    انا ارسلت لك ميل تأكيد
    ارجو الرد بعد تحديد الوقت المنقعد فىة الدورة
    انا معاك فى اى وقت
    اى وقت هيكوزن مناسب لى ان شاء الله
    شكراً لك و لك منى جزيل الشكر
    جزاك الله عنا خير
    عبد الحمبد رزق
    0125160982

  14. Abu_Eldahab يقول:
    نوفمبر 20th, 2010 في : 5:11 ص

    السلام عليكم ورحمة الله وبركاته

    ان شاء الله اليوم أو غداً هيتم التنسيق مع المركز علشان المواعيد واﻹتصال بالجميع ﻹخبارهم علشان الحجز

  15. عبدالرحمن طه يقول:
    نوفمبر 20th, 2010 في : 3:20 م

    منتظرين حضرتك بفارغ الصبر وربنا يعمل الي فيه الخير باذن الله وشكرا لحضرتك وربنا يبارك فيك

  16. عماد يقول:
    نوفمبر 21st, 2010 في : 7:43 ص

    ان شاء الله انا معاكم فى الدورة
    بس ممكن اعرف المواعيد بالتفصيل

  17. عماد يقول:
    نوفمبر 21st, 2010 في : 7:57 ص

    استاذنا العزيز : كل عام وانت بخير
    رجاء من حضرتك ابلاغنا بمواعيد الدورة النهائية من حيث الايام والتوقيت

    طلب آخر هل يمكن اضافة بعد النقاط على منهج الدورة مثل :
    1- اضافة نبذة عن الـ DIV
    2- التعامل مع الاسكربت الجاهز وكيفية الاستفادة منه

  18. Abu_Eldahab يقول:
    نوفمبر 21st, 2010 في : 8:09 ص

    السلام عليكم

    إن شاء الله تعالى الجزئية اﻷولى هيكون فيها شرح

    والجزئية التانية يمكن المرور عليها ولكن ليس التركيز ﻷن الكورس تعليم برمجة وبناء مبرمج وليس مجرد تحميل سكريبتات

  19. عماد يقول:
    نوفمبر 21st, 2010 في : 10:47 ص

    أشكر حضرتك على الرد …
    بالنسبة للمواعيد هل تم الانتهاء منها أم لا ؟

  20. وليد حداد يقول:
    نوفمبر 25th, 2010 في : 10:46 ص

    اخى العزيز بعد عناء فى البحث وجدت موقعك المتميز
    انا من سكان مدينة نصر واو حضور الدورة اتمنى ان تعلمنى متى ستبدا وهل هناك مواعيد يوم الجمعة نظرا لان اجازات الجميع من اعمالهم يوم الجمعة
    اتنى سرعة الرد

  21. Abu_Eldahab يقول:
    نوفمبر 25th, 2010 في : 11:46 ص

    السلام عليكم ورحمة الله وبركاته

    هو الكورس الي هيشتغل حالياً هيبدأ يوم السبت القادم بمشيئة الله تعالى ومواعيده هي السبت والثلاثاء والخميس الساعة 5 ونصف مساءاً في المركز الموضح بالموضوع

    بس للأسف اﻷعداد إكتملت ومش هقدر أقبل حد حالياً

    ممكن حضرتك تسجل بياناتك من خلال نموذج التسجيل الموضح بالموضوع

    ولو فيه مكان أو كان فيه كورس تاني قادم ان شاء الله أتصل بحضرتك

    تحياتي

  22. معاذ جودة يقول:
    نوفمبر 28th, 2010 في : 1:43 م

    يا ريت حضرتك تكلمني لو في كورس قادم

  23. Abu_Eldahab يقول:
    ديسمبر 11th, 2010 في : 8:45 م

    الأستاذ معاذ

    السلام عليكم ورحمة الله وبركاته

    ان شاء الله تعالى بيانات حضرتك مسجلة عندي

    وسوف يتم مراسلة حضرتك عند بدء الكورس التالي

    وياريت حضرتك يكون فيه متابعة بالتليفون أو الإيميلى خلال الأسابيع القادمة علشان فيه كورس جاري التجهيز ليه بمشيئة الله تعالى بعد الكورس الحالي